U-Lamola Ucacisa Ngemigomo Yokuboshwa Kuka-Zuma

By: Sanelisiwe Dlangamandla

UNgqongqoshe wezobulungiswa, uRonald Lamola, uthi owayengumengameli wezwe uJacob Zuma kuzoqala ukubhekwa ukuthi usekufanele yini ukudedelwa ejele ngoshwele uma esedonse okungenani ikota yesigwebo sakhe.

U-Lamola uphendula imibuzo yabezindaba ngaphandle kwejele lase Estcourt maphakathi nesifundazwe, kulandela ukuboshwa kukaZuma ngezintatha zanamhlanje.

Uqhuba ngokuthi uzoqhelelaniswa nezinye iziboshwa izinsuku ezingu-14, ukulandela imigomo yeCOVID-19.

UNgqongqoshe uthi njengamanje usafakwe egunjini lomtholampilo wasejele ukuze axilongwe ngokwezempilo. Lokhu kwenzelwa ukuqinisekisa ukuthi ukuboshwa kwakhe kufana nokwabanye abantu abaphule umthetho wakuleli.

powered by Advanced iFrame. Get the Pro version on CodeCanyon.