Usephinde Wakhala Ngaphansi u-Zuma Enkantolo

By: Lindelani Mbatha

Ijaji lasenkantolo ephakeme eMgungundlovu uPiet Koen, selisichithile isicelo sikalowo owayengumengameli wezwe uJacob Zuma, sokuthi kushenxe umshushisi wombuso uBilly Downer ecaleni abhekene nalo.

U-Zuma wafaka lesisicelo ngoba esola uDowner ngokusebenzisana namaqembu ezombusazwe ngodaba oluthinta ukuthengwa kwezikhali okwenzeka ngeminyaka yo-1999/2000.

Lelicala lokuthengwa kwezikhali laqala ukuqulwa kusukela ngo-2004, kulindeleke futhi ukuthi lihlale kusukela ngezi 11 April.

U-Koen uthi ukubandakanyeka kuka Downer kulelicala angeke kuphule imigomo yokusebenza komthetho.

powered by Advanced iFrame. Get the Pro version on CodeCanyon.

Khonamanjalo, okhulumela inhlangano ka- Zuma, iJG Zuma Foundation, u-Mzwanele Manyi uthi kusobala ukuthi lowo owayengumengameli uyacindezelwa izinkantolo zakuleli.

U-Manyi uthi awudungi ngisho ukuba ummeli ukubona ukuthi ayikho inkantolo ezimisele ukunika uZuma ubulungiswa, eqhuba ngokuthi okwenzeke enkantolo kufana nse nalokhu okwenzeke kwikhomishana eholowa u-Ryamond Zondo.

powered by Advanced iFrame. Get the Pro version on CodeCanyon.