Abahlali Basemjondolo Baphonsa Inselelo Emaphoyiseni

By: Lindelani Mbatha

Usekela mengameli wenhlangano yabahlali basemjondolo uMqapheli Bonono uthi amaphoyisa abheka izimpahla ezitatshwe ezitolo kumele angazibheki kuphela ezakhiweni.

Lenhlangano isola abakwasidlodlo ngokubhekisa umkhankaso wayo kubantu abahlwempu abahlala emijondolo.

EThekwini nje kuphela amaphoyisa ebengena ephuma emijondolo eseSpringfield, iPunters Hills, iBurnwood kanye neKennedy Road.

Ekuqaleni kwalenyanga kube wubuphihliphihli abantu begasela ezitolo beshaqa izimpahla, okufaka phakathi ukudla, izinto zokwakha kanye notshwala.

U-Bonono uthi amaphoyisa awabonakale phela engena nasezindaweni zomtakabani.

powered by Advanced iFrame. Get the Pro version on CodeCanyon.