Abajiki Abafuna Kwengezwe Amahora Okufunda Ezikoleni

By: Lindelani Mbatha

I-Democratic Alliance (DA) isiphakamise ukuthi umnyango wezemfundo eyisisekelo wengeze ngehora elilodwa kulawo achithwa ngabafundi esikoleni.

Izikole eziningi kulelizwe ziqala ukufunda ngo half past 7 ekuseni kuye ku-2 noma u-3 ntambama.

Leliqembu lithi ziningi kakhulu izinhlelo zokufunda ezilahlekile njengoba izwe libhekene neCOVID-19.

Kusukela iCOVID-19 yabheduka kuleli ngo-2020, lokho kwaphoqa uhulumeni ukuba aguqule indlela yokufunda okufakaphakathi nokushintsha kwezikhathi.

Kwesinye isikhathi abafundi bebeya esikoleni izinsuku ezimbili kuya kwezintathu ngesonto, lokho okusho ukuthi bebeya izinsuku eziphakathi kuka-8 kuya ku-12 ngenyanga.

Lenhlangano ithi ucwaningo lwayo luveza ukuthi abafundi balahlekelwe yisikhathi esingango 50% sokufunda.

Obhekelele ezemfundo kuDA ephalamende uBaxolile Nodada uthi kungakuhle ukuthi umnyango uthole othisha asebethathe umhlalaphansi ukuba banikeze abafundi ama extra classes.