Abalandeli bebhola base-Norway sebeqokelele u-2Million ukusiza isihlabani se-Bafana Bafana u-Emile Baron.

BY: Simtho Dladla

Abathandi bebhola basezweni lase-Norway sebeqoqe imali enali lalo linganiselwa u2 Million wamaRandi ukusiza uEmile Baron. Baron ugijime eqenjini lesizwe lakuleli ikuBafana Bafana, Kaizer Chiefs kanye ne-Lillestrom SK kanti usephila phansi kwesimo esibucayi njengoba engasakwazi nokunakelela umndeni wakhe.

Uchithe isikhathi seningi edlala eqenjini lakuleliyalizwe iLillestrom phakathi kukaJanuary ka-1999 kuya kuJuly 2004. Ongumxhumanisi kuleliqembu uMorten Stokstad uthi thole imibiko yokuthi uBaron usanda kukhishwa la abehlala khona nokwenze bashesha bamthumela imali yokuthi athole indawo enconywana yokufihla ikhanda.

Baron kwinkulumo ekhethekile noMatshelane Mamabolo uveze ukuthi isimo sakhe sibe sibi kakhulu phakathi konyaka ka-2019 no-2020 kulandela ukungatholi imali yakhe zomushwalense eqenjini agcine ukudlala kulona kuPSL iBidvest Wits. Ukhala ngokuthi nakulemali yomhlalaphansk obekumele ayithole, wagcina engayitholanga futhi akekho nozimisele ukumlekelela ukuthi athole lemali.