Abase Nkandla Basukumela Udlame

By: Mthokozisi Manqele

Umphakathi waseNkandla, enyakatho yeKZN, usunqume ukuzibambela mathupha uvikele izitolo ezisasele ukuze ungabi nenkinga yokushoda kokudla.

Iningi lezitolo kulendawo sezicekelwe phansi izigelekeqe, kanti ezokudla ezisasele umphakathi uthi uzoziqaphela wona mathupha.

Usola abantu abasuka kwezinye izindawo abafika bezotapa bacekele phansi amabhizinisi akhona kulendawo.

Ilungu lomphakathi eliyinxenye yalo mkhankaso wezokuphepha khona eNkandla, uKhehla Ngubane, uthi abasafuni lutho ngezitolo zabo.