Abasebenzi baka-ANC Batelekele Amaholo
Written by Mfundo on 26 August, 2021
By: Lindelani Mbatha
I-ANC ithi ikhathazekile ukuthi kunabantu abafuna ukucekelaphansi isithunzi sobuholi balenhlangano, ngokuhluleka ukukhokhela abasebenzi amaholo abo.
Lenhlangano ibikhuluma nabezindaba ngenkinga enkulu yezimali ebhekene nayo.
Namhlanje abasebenzi bangenele isiteleka bangalubhada emsebenzi bekhala ngokungaholelwa imali yangenyanga eyedlule. Izolo iANC iphinde yatshela labasebenzi ukuthi ayizikubaholela ngesikhathi futhi nangalenyanga.
Oyisikhulumi seANC, uPule Mabe, uthi abantu abangasebenzisi izinkinga zezimali zalenhlangano ukucekelaphansi isithunzi sobuholi.
Izikhulu eziphezulu zeANC zithi zizohlangana nabasebenzi balenhlangano maduze nje, ukuzolalela izikhalo zabo.
