Abasebenzi Base-PMB Baphefumula Ngokushiswa Kwezitolo

By: Nompendulo Ngubane

Abasebenzi bezitolo lapho kucekelwe kwatatshwa khona impahla bathi abazi bazoziphilisa ngani nemindeni yabo njengoba izitolo lapho bebesebenza khona zishisiwe nje.

Bathi ukulinyazwa kwezakhiwo sekudale ukuthi baphelelwe umsebenzi njengoba nabo bengazi nokuthi ziyovulwa nini futhi uma kuyokwenzeka.

Lemibhikisho ebheduke ezindaweni ezahlukene kubikwa ukuthi isihlobene nobugebengu lapho kungenelwa amabhizinisi abantu kuwolwe impahla, kuphinde kungqongqiswe ngomlilo nezakhiwo.

Abanye balabasebenzi basenxanxatheleni yezitolo i-Edendale ne Brookside nezishisiwe edolobheni iPietermaritzburg, sebetshele izindaba ze-Gagasi FM ukuthi impilo isizobanzima kakhulu kubo njengoba ikati selizolala eziko.

powered by Advanced iFrame. Get the Pro version on CodeCanyon.