Abashayeli Bahlongoza Isiteleka Mabengaholelwa

By: Zilungile Mkhize

Abasebenzi abashayela amabhasi ahlukene nahamba amabanga amade ngaphansi kwenkampani iAutopax, bathi bazokumisa nse ukusebenza uma abaqashi babo bengasilungisi isimo sezinkinga abasbenzi ngaphansi kwaso.

Labasebenzi abangamalungu ezinyunyana iNumsa ne Satawu, bayabhikisha ngaphandle kwamahhovisi amakhulu alenkampani eGoli, bakhala nangokungakhokhelwa iholo labo lango September.

I-Numsa ithi lenkampani neyayibalwa nezinye ezihamba phambili kwezokuthutha ezweni, isiphenduke inkinga njengoba isihluleka nawukukhokhela abasebenzi bayo ngesikhathi.

Okhulumela i-Numsa uPhakamile Hlubi-Majola uthi okunye okubamangazile, ukuthi lenkampani izomisa konke ukusebenza namhlanje ngaphandle kokunika abasebenzi bayo incazelo.