Abazali Sebevale i-ComTech Thanqa

By: Zilungile Mkhize

Abazali esikoleni esiseMlazi eningizimu yeTheku, iComtech High, sebevale amasango alesikole bethi ngeke kuqhubeke ukufunda umnyango ungazilungisile izinkinga ezisigubezele.

Kumanje abafundi bahlezi emakhaya njengoba nalabo abahlala ngaphakathi kulesikole beguduza ngaphakathi emagcekeni kulandela isinqumo esaphuma nabazali emhlanganweni sokuthi bafuna ungqongqoshe uMshengu ayeke ukushaya indiva izinkinga ezikulesikole.

Phakathi kwezinto abakhala ngazo abazali, ukuphazamiseka kokufunda abathi kwenziwa ngothisha abayalelwa umnyango eKZN ukuthi baphume kulesikole ngoba sebetshalwe kwezinye, ngenxa yobuningi besibalo sabo uma beqhathaniswa nabafundi.

Lolu, uhlelo umnyango olwenza njalo uma ubheka isibalo sothisha ezikoleni kuzwelonke ukuthola ubungi babo khona bezoyofakwa lapho kushoda khona uma seqile kunaleso sabafundi.

U-Sphelele Nzuza uyabika:

powered by Advanced iFrame. Get the Pro version on CodeCanyon.