Abomkhakha wokwakha bakhala ngamadela-ngokubona.
Written by Phakeme Mnguni on 21 August, 2024
By: Nompumelolo Ngubane
Abesifazane abasemkhakheni wokwakhwa sebeveze ukuthi nabo iyabakhathaza eyamabhoklolo afuna ngenkani imali uma kusuke kunezinhlelo zokwakha eziqhubekayo emiphakathini.
Owengamele izinhlelo enkampanini yokwakha i Motheo, okuyibhizinisi labesifazane uPhumza Mlaba uthi lena inkinga nabo abaye bahlangane nayo uma benza imisebenzi yokwakha yezinhlelo zikahulumeni noma izinkampani ezizimele.
Ngokwemibiko laba ngokwejwayelekile ababizwa ngama “construction mafia” baye bafune ngenkani ingxenye yemali kuleyo nkampani esuke yenza umsebenzi, baphinde bafune ngo dli ukuthi kuqashwe izinkampani zasendaweni emsebenzini osuke wenziwa.
UMlaba uthi yize nabo bengabantu besifazane kulo mkhakha wokwakha, bayahlangabezana nale nkinga echaza lokhu njengesenzo esibi.
