Afela Ngaphakathi Amadoda Ahlukunyezwayo- Lifeline

By: Nompendulo Ngubane

Inhlangano ebhekelela ukuhlukunyezwa kwezingane nabantu besifazane iLifeline ithi maningi amadoda ayizisulu zokuhlukunyezwa kodwa ayesaba ukuphumela obala.

Ukuphawula kwalenhlangano kuqhamuka njengoba izwe lakuleli libungaza inyanga yamadoda uJuly.

Umlawuli we-Lifeline uSnikiwe Biyela uthi lenhlangano iyayithola imibiko yamacala abantu besilisa abasuke beshayiwe noma bedlwenguliwe.

UBiyela uthi inselelo ababhekana nayo ukuthi iningi lamadoda liyesaba ukuphumela obala mayelana nezinkinga asuke ebhekene nazo.