Amalungu ka-ANC Asevimbele Elinye Iqembu Ukuthi Likhankase

By: Bongani Gina

I-IFP isisole i-ANC ngokuzama ukuvimba nokulwisa amalungu ayo aqhuba umkhankaso ezindaweni eziseNtshonalanga yeTheku namhlanje.

Lesi sigameko sokuvinjwa kwamalungu e-IFP senzeke endaweni yaseMalukazi, ngaseMlazi eNingizimu yeTheku lapho ubuholi namalungu aleliqembu ebeyokhankaso eholwa ngusihlawo wesifundazwe uThami Ntuli.

Kuma video asesabalale ezinkundleni zokuxhumana, kubonakala iqulu labantu abagqoke imifaniswano ye-ANC bevimbezela izimoto ze-IFP namalunga ayo, nokubalwa imoto ethwele isound yayo i-IFP.

Okhulumela i-IFP, uMkhuleko Hlengwa, uthi kubaphatha kabi okwenziwa ngamalunga e-ANC ngoba akwenzile lokhu nasemasontweni adlule evimba i-EFF kwaDambuza naseWillow Fountain eMgungundlovu.

UHlengwa uthi ngaphandle kwalokhu kuvinjwa kwabo umkhankaso weqembu uqhubeke kahle kakhulu kwezinye izindawo abazihambele.

Ephundula ngalesisigameko, uNhlakanipho Ntombela okhulumela i-ANC kulesifundazwe usenxuse amalungu abo ukuba angazivimbezeli ezinye izinhlangano ezikhankasayo ngoba azikho izindawo ezingo alubhadwa kulelizwe.