Amaphaphu Phansi Ngesibonelelo sika-R350 – SASSA

By: Zilungile Mkhize

Isikhungo esibhekelele imali yezisiboneleli zikahulumeni, iSASSA, sithi bonke abangayitholile imali engu R350 nebhekelele abangasebenzi ngalesikhathi seCOVID-19, bazoyithola isiyonke ekupheleni kwalenyanga.

Izinkumbi zabantu zifike ezikhungweni ezahlukene ukuyohola lemali ngoMarch nango April, kodwa zabuya zilambatha kuthiwa ayikho.

iSASSA ithi izinhlelo zayo zokulungisa amabhuku okuphela konyaka omdala kuqalwe amasha, kube yizo eziholele kulenkinga, kwaphazamiseka imniningwane yabantu abaningi abahola labo R350.

Okhulumela lesikhungo uPaseka Letshatsi uthi lemali izokhokhwa isiphindwe ngokwezinyanga ezingaholwanga.

powered by Advanced iFrame. Get the Pro version on CodeCanyon.