Amaphaphu Phansi, NgisenguNobhala we-ANC – Magashule

By: Sanelisiwe Dlangamandla

UNobhala jikelele we ANC, uAce Magashule, usale waphetha ukuphumela obala aveze ukuthi uzokwehla yini kulesisikhundla, kulandela umyalelo wesigungu esiphezulu.

Lesisigungu salenhlangano siyalele uMagashule kanye nawo wonke amalungu abhekene namacala enkohlakalo ukuthi ehle ezikhundleni, zingakapheli izinsuku ezingu 30 noma axoshwe.

UMagashule ubhekene namacala enkohlakalo ephathelene nethenda ka-asbestos eFree State, ngenkathi esanguNdunankulu wakulesiyasifundazwe.

Ekhuluma nabezindaba uthi akayi ndawo futhi ke usazoxoxisana nabaholi abangomakadebebona balenhlangano ukuze bamnike izeluleko.

Uqhuba ngokuthi uzoqala ngomhlaka 11 kulenyanga ukuxoxisana nalabaholi okubalwa kubo uMathews Phosa, Jacob Zuma, Thabo Mbheki and Kgalema Montlanthe.