Amaphoyisa Athungatha Abathumbe Abasebenzi eMandeni

Written by on 4 April, 2022

By: Lindelani Mbatha

Amaphoyisa KwaZulu-Natal athi awaficanga muntu esigamekweni okusolakala ukuthi bekungesokubamba inkunzi kanye nokuthumba eSundumbili eMandeni, enyakatho yesifundazwe.

Kulesisigameko kungene abasolwa abangaziwa kwesinye sezitolo esidayisa ukudla siphinde siholele imali yesibonelelo sikahulumeni bavalela abasebenzi kanye nomphathi wesitolo.

Bekukholakala ukuthi nazo lezigilamkhuba zisekhona ngaphakathi kodwa uma amaphoyisa esevula ugulukudela bafice kunhlanga zimuka nomoya.

Oyikhulumi samaphoyisa uJay Naiker uthi izithombe eziqoshiwe ziveza ukuthi lezigebengu zingene zasheshe zaphuma kulesisitolo.

powered by Advanced iFrame free. Get the Pro version on CodeCanyon.

Khonamanjalo, Umeya kamasipala iMandeni uThabani Mdlalose uthi bashaqekile futhi badumele ngalesigameko.

U-Mdlalose uthi bayabonga amaphoyisa kanye nabaqaphi ebazimele ngokubhekana nalesisimo ngokushesha.

powered by Advanced iFrame free. Get the Pro version on CodeCanyon.


Gagasi FM

What You Want to Hear



Background