Amehlo Athe Njo Ku-Sitole Kwelokubulala

By: Zilungile Mkhize

Inyunyana yamaphoyisa nezamajele, iPopcru, isinxuse uKhomishana wamaphoyisa kuzwelonke, uKhehla Sitole, ukuthi abambisane nalabo abaqhuba uphenyo ngaye, njengoba ithi unesibopho sokwenza lokhu.

Uphiko oluphenya ngamacala athinta amaphouisa i-IPID, lwamvulela icala lobugebengu ngokwehluleka ukubambisana nophenyo.

U-Sitole uphenywa mayelana nokubulawa komseshi wophiko olwisana namaqembu ezigelekeqe eKapa, uCharl Kinnear nowabulawa ngo-2020.

I-Ipid seyiludlulisele ku Ngqongqoshe wamaPhoyisa uBheki Cele loludaba kulandela ukunqaba kuka Sitole ukusebenzisana nabo.

Okulumela iPOPCRU uRichard Mamabolo, uthi uSitole kumele avume ukuyophendula imibuzo ye IPID, khona ezocacisa kabanzi ngokushaya amanzi mayelana nokwenzeka ngaphambi kokubulawa kuka Kinnear.

Nokho, uSitole useyichile lemibiko ye IPID yokuthi akafuni ukulalela imiyalelo yabo nokusebenzisana nabaseshi.

Okhulumela uKhomishana kuzwelonke, uVish Naidoo, uthi uSitole akakotshelwa lutho mayelana nezinsolo ezithi akasebenzisananga naloluphiko.

powered by Advanced iFrame. Get the Pro version on CodeCanyon.