Asimubukeli Phansi uJoe Phahla – Ikhebhinethi

By: Lindelani Mbatha

UNgqongqoshe osabambile ehhovisini likamengameli, uKhumbudzo Ntshavheni, uthi ukungaqokwa kukasekela ngqongqoshe wezempilo uJoe Phahla esikhundleni sikaNgqonqgoshe wezempilo uZweli Mkhize, akukona ukumubukela phansi.

uNtshavheni ubethulela abezindaba izinqumo ezithathwe emvakomhlangano wekhabhinethi.

Umengameli uCyril Ramaphosa uqoke ungqongqoshe wezokuvakasha uMmamaloko Kubayi-Ngubane njengozobamba njengongqongqoshe wezempilo, kusukela ukunikezwa kuka-Mkhize umhlabakhefu.

Kusolwa umnyango kaMkhize ngokukhipha ithenda ka-R150 million, nokuvele ukuthi naye wasayinda kulethenda eyanikezwa inkampani iDigital Vibes ephethwe ngabantu ayesebenza nabo phambilini.

uNtshavheni uthi uPhahla akasilona ilunga lekhabhinethi, ngakhoke umthethosisekelo awukuvumeli ukuqokwa kwakhe njengo ngqongqoshe.

powered by Advanced iFrame. Get the Pro version on CodeCanyon.