Bamisiwe Abasebenzi “Abashiye Dengwane Isguli”
Written by Mduduzi Phungula on 27 June, 2023
By: Xolani Khumalo
Umnyango Wezempilo esifundazweni saKwaZulu-Natal usumise abasebenzi ababili bosizo lokuqala ngezinsolo zokuthi bashiye dengwane isiguli eMlazi, eNingizimu yeTheku.
Kuthiwa laba basebenzi abebehamba nge-Ambulance ukuyolanda isiguli benqabe ukwehla izistebhisi ezingenela emuzini ebekukhona kuwo lesiguli, bayalela umndeni waso isiguli ukuthi mawusinyusele emotweni.
Kuthe omakhelwane besasiza ukutatamisa lesiguli kuthiwa ngokubona ukuthi engathi benza kancane labasebenzi behluleka ukulinda bashaya imoto yahamba beshiya isiguli ngemuva.
Umnyango usukuqinisekisile ke ukuthi isiguli sigcine sifinyelelile esibhedlela futhi sithola usizo esiludingayo.
Okhulumela umnyango uMdu Ncalane uthi umnyango ushaqeke kakhulu ngalesisgameko esibeke engcupheni impilo yesiguli.
powered by Advanced iFrame. Get the Pro version on CodeCanyon.
