Baphume Ngebheyili Abasolwa Ngokubulala u-Magaqa
Written by Mfundo on 17 February, 2022
By: Zilungile Mkhize
Abasolwa abathathu ababhekene necala lokubulala owayengu Nobhala-Jikelele we ANC Youth League, nowayeseyikhansela lase Mzimkhulu eningizimu yeKZN uSindiso Magaqa, sebeyoze babuyele enkantolo ngomhlaka 18 July kuwo lonyaka.
U-Magaqa wadutshulwa wabulawa ngo-2017 khona eMzimkhulu.
Laba, uMbulelo Mpofana, Sibonelo Myeza, kanye no Mlungisi Ncalane badedelwe ngebheyili ka-R5 000 umuntu ngamunye, kulandela ukuveza ubufakazi obusha mayelana nesicelo sabo.
Okhulumela iNPA uNatasha Ramkisson-Kara, uthi ukudedelwa kwabo ngebheyili kuhambisana nemibandela ethize.
