Basabise Ngesiteleka Abasebenzi Be-ANC Abangaholile

By: Sithulile Mdlesthe

Abasebenzi beqembu lezepolitiki i-African National Congress sebesabise ngokuphazamisa ukuhlala kwengqungquthela yokudingida imigomo yalenhlangano nekulindeleke ukuthi iqale kusasa.

I-ANC ibhekene nezinkinga zezimali njengoba yehlulekile futhi ukuholela abasebenzi bayo.

Sekuvele ukuthi sekuphele izinyanga ezimbili abasebenzi basemahhovisi e-ANC ehlukene ezweni lonke bengaholile.

Akusikho okokuqala kuvela izindaba zokuthi abasebenzi baqembu elibusayo bebhekane nalenkinga njengoba nangonyaka owedlule iningi lalikhala ngokuthi lisengcupheni yokudlelwa izindlu kanye nezimoto ngenxa yokungaholi.

uThami Ngcokwane ohola abasebenzi ababhikishayo uthi sekukaningi bebikela abaphathi babo ngezinkinga ababhekene nazo kodwa kunhlanga zimuka nomoya.

powered by Advanced iFrame. Get the Pro version on CodeCanyon.