Bavuke Umbhejazane Abafundi Abakhala Ngesimo Abafunda Ngaphansi Kwaso

By: Nompendulo Ngubane

Abafundi nabazali besikole samabanga aphezulu iSukuma Comprehensive School, eMbali, ePietermaritzburg, enkabeni yesifundazwe saKwaZulu-Natal, sebekumise nse ukufunda ngoba bethi bafuna uNgqongqoshe wezeMfundo uKwazi Mshengu eze kulesi sikole azoxazulula izinkinga.

Abafundi bavale umgwaqo bashisa amathayi, babulala namabhodlela nokwenze ukuthi kube nzima ukuhamba kubashayeli bezimoto abaphoqeleke ukuthi basebenzise eminye imigwaqo.

[DEVELOPING STORY] Abafundi besikole samabanga aphezulu iSukuma Comprehensive School, ePietermaritzburg, babhikishe ngaphandle kwamasango esikole bekhala ngesimo sokungcola namanzi asephele izinyanga ezingu-7. Labafundi bavale umgwaqo bashisa amathayi. pic.twitter.com/nxcyiAPQaZ

— Gagasi FM News (@GagasiFMNews) August 1, 2022

Lesi siteleka sesidonse kusukela ngesonto eledlule kanti abafundi banodlame emgwaqeni njengoba bejikijela amabhodlela ngisho ngaphakathi kwesikole.

Abazali bathi bafuna kuqokwe uthishanhloko, kulandelwe imigomo ngaphandle kokwenzelela kanti okunye abakhala ngakho ukungcola ngaphakathi esikoleni, ukungabikho kokuphepha kubafundi abahlala ngaphakathi nokungabikho kwamanzi izinyanga ezingu-7.

Omunye wabazali uchaza kanje ngesimo esiqhubekayo kulesi sikole.