Cele: Amaphoyisa azoqapha ezindaweni ezahlukene ukuqinisekisa ukuthi umthetho uyalandelwa
Written by Lethiwe Mdluli on 20 March, 2020
Ungqongqoshe wamaphoyisa, uBheki Cele, useqinisekise ukuthi amaphoyisa azobe ethe chithi saka ezindaweni ezihlukene kuleli ukuqapha ukuthi imithetho ekuhloswe ngayo ukuvimbela ukubhebhetheka kwe coronvirus iyalandelwa yini.
Izolo kubuyekezwe imithetho eyakhishwa ngumengameli ngenkathi ehlonza lesimo njengenhlekelele ebhekene nesizwe ngokuthi kwengezwe eminye futhi.
Phakathi kwalemithetho kubalwa nokuthi izindawo zokudlela kanye nezokuzijabulisa zingabudayisi utshwala kusukela ngo 6 ntambama kuze kuyoshaya u 9 ekseni phakathi nezinsuku nangeMgqibelo.
Ngesonto nangamaholidi u 1 emini kuya ku 9 ekseni ngaksasa.
uCele uthi umnyango usuzitholile izinsiza kusebenza ezidingeka kulesisikhathi ezinjengama masks namagloves ukuze amaphoyisa avikeleke uma eqhuba umsebenzi wawo.
Listen here:
https://iono.fm/e/834170
By: Sanelisiwe Dlangamandla
