Ezinye Izethembiso Ngokuhlinzeka Imiphakathi Ngamanzi

By: Lindelani Mbatha

Usekela Ngqongqoshe wezokusatshalaliswa kwamanzi, uDavid Mahlobo, uthi bazoqinisekisa ukuthi omasipala bayabalekelela ukuba bathole amanzi.

uMahlobo ubephendula imibuzo phambi kwekomidi lezokuhlaliswa kwabantu, nezamanzi kanye nokuthuthwa kwendle, ePhalamende.

Miningi imiphakathi ikakhulukazi KwaZulu-Natal engakahlinzekwa ngamanzi ngendlela, kwezinye izindawo ezifana naseNkandla, enyakatho yesifundazwe aphuma kanye ngesento.

Muva nje umphakathi ngaphansi kwesifunda Ugu, uvuke umbhejezana ukhala ngokungabinawo amanzi, kanye nemigwaqo efanele.

uMahlobo uthi kodwake nalabo abangcolisa amanzi kanye nemvelo, kuzomele bakukhokhele lokho.