I-Action SA Ifuna Ashenxe Esikhundleni uMahlaba
Written by Mfundo on 17 August, 2021
By: Bright Ntuli
I-Action SA isinxuse imeya yaseNewcastle, enyakatho nesifundazwe, uNtuthuko Mahlaba ukuthi yehle kulesikhundla kulandela ukuvela koxhaxha lwamacala ahlanganisa ukweba nokushaya.
Selokhu uMeya uMahlaba avele kafushane enkantolo ngenyanga edlule, usaqhubeka nokwenza imisebenzi yakhe yobumeya njengenjwayelo.
I-Action SA ithi abantu baseNewcastle bafanelwe ukuholwa ngumuntu onganukelwa cala emuva kwakhe, futhi ongalokhu engena ephuma enkantolo.
Okhulumela lenhlangano KwaZulu-Natal, uBusi Radebe, uthi uMahlaba kumele abuyele eceleni kuze kube igama lakhe liyahlanzeka enkantolo ngokuphelele.
