I-ANC Ifuna U-Magashule Azichaze Ngakushilo

By: Lindelani Mbatha

Isekela likanobhalala jikelele we-ANC uJessie Duarte uthi basazocela unobhalala walenhlangano osamisiwe uAce Magashule ukuba achaze ngenkulumo yakhe ayisho kubalandeli bakalowo owayengumengameli uJacob Zuma, eNkandla.

U-Duarte ubekhuluma nabezindaba eGoli, ngobekukhulunywa emhlanganweni oyisipesheli wesigungu esiphezulu salenhlangano.

U-Magashule utshele izinkumbi zabalandeli be-ANC eNkandla ukuthi kukhona abahlela ukuhlakaza zonke izinhlaka zamaziko alenhlangano kanye nobuholi bezifunda ukuze zeseke ubuholi obuthile.

Ubatshele ukuthi uma nje bahlakazwa bangalinge bagudluke ezikhundleni zabo.

uDuarte uthi uMagashule ibehubhuza akabejane nje lokhu.

powered by Advanced iFrame. Get the Pro version on CodeCanyon.

U-Duarte usephinde wachaze okwashiwo ngabalandeli bakaZuma, ukuthi bazimisele ukunikela ngempilo yabo ukuze bamvikele, njengento evamise ukushiwo amaphekula.

Izinkumbi zabalandeli bakaZuma beziphume ngobuningi ukuyomeseka kulandela isinqumo senkantolo yomthethosisekelo sokumthola enecala lokuyidelela yabe isimgweba izinyanga ezingu-15 ebhadla ejele.

Becula ngaphandle komuzi wakhe KwaDakwa’dunuse, labalandeli bebekubeka ngembaba ukuthi ofuna ukubopha uMsholozi kuzomele adlule kubo kuqala.

U-Duarte uthi lokhu kubathuse kakhulu.

powered by Advanced iFrame. Get the Pro version on CodeCanyon.