I-ANC Ikhathazekile Ngokushiwo NgoMongameli
Written by Mduduzi Phungula on 23 October, 2022
By: Lindelani Mbatha
I-African National Congress KwaZulu-Natal ithi ikhathazekile ngomengameli balenhlangano abakhuluma kabi ngaleliqembu esidlangalaleni.
Izolo ababengomengameli bezwe uThabo Mbeki kanye noJacob Zuma bazwakalise ukukhathazeka ngobuholi baloyo ongumengameli njengamanje uCyril Ramaphosa.
Babalule ikakhulukazi izinsolo zenkohlakalo ethinta ukuntshontshwa kwemali emplazini lakhe eliseLimpopo iPhala Phala.
Owayeyisikhulu esiphezulu kwezobunhloli uArthur Frazer wavulela icala uRamaphosa namanje elisaphenywa ngisho nayiphalamende.
UZuma uthi umengameli uphule umthetho wehhovisi lakhe kanti uMbeki yena uthi uma kungenzeka atholwe enecala emvakokuqokwa esikhundleni ngoDecember kuzokwenzakalani uma kudingeka ukuba agudluke.
Oyisikhulumi seANC kulesisifundazwe, uMafika Mndebele, uthi umthetho wakuleli uthi umuntu akanacala kuzekube utholwa yinkantolo enecala.
powered by Advanced iFrame. Get the Pro version on CodeCanyon.
Continue reading
