I-ANC Iphendulela u-Mashatile Obonakala Ediza Ngemali

By: Bongani Gina

I-ANC isiphumele obala yavikela umgcinimafa wayo uPaul Mashatile osethole ukusolwa ngabaningi ngesenzo sakhe njengoba sekusabalele ivideo emkhombisa ephisana ngemali ebandleni abeyokhankaso kulo eLimpopo.

Kule-video esabalele ezinkundleni zokuxhumana, uMashatile ubonakala ephethe isitaki semali engamaphepha eyinikeza abazalwane abangaphakathi esontweni ngesikhathi sokunikela.

lokhu kwenzeka nje lenhlangano ibhekene nezinkinga zemali njengoba abasebenzi bengaholile.

Okhulumela iANC uPule Mabe uthi akusikhona ukuthi uMashatile ubephisana ngemali, kodwa ubesiza amavolontiya kakhongolose abehamba nawo ngemali yokunikela.