I-ANCYL ithi uRamaphosa uzoliqeda ihlandla lakhe lesibili.

By: Zilungile Mkhize

UMengameli we ANC Youth League uCollen Malatji uthi i-EFF kanye ne-ATM bachitha isikhathi sabo ngokuzama ukuvuselela izinhlelo zePhalamende zokususa umengameli uCyril Ramaphosa esikhundleni.

Lokhu kulandela isinyathelo se EFF ne ATM sokuya enkantolo yoMthethosisekelo ekuqaleni kwaleli sonto, ukuyophikisana nesinqumo sePhalamende likazwelonke sokungawemukeli umbiko wethimba lesigaba 89 mayelana nepulazi iPhala Phala.

Kuzokhumbuleka ukuthi kulelipulazi lika Ramaphosa, elise-Limpopo kwatholakala izindodla zamadola aseMelika zifihlwe kosofa.

Lezinhlangano zikhala ngokuthi uMengameli akazange aqule noma ajeziswe ngokwephula umthetho ngalokhu.

UMalatji uthi i-EFF ne-ATM bazama ukusebenzisa iPhala Phala kanye negama lika Ramaphosa ukuvuzigcina besematheni.

Uthi bazokwenza isiqiniseko sokuthi uRamaphosa uyaliqeda ihlandla lakhe lesibili njengomengameli wezwe.