I-COSATu Ithi I-ANC Izombuleka Izinqa Engqungqutheleni

By: Sthulile Mdletshe

I-Cosatu ithi kubalulekile ukuthi iqembu le-ANC lizihlolisise, liqonde ukuthi ngabe yini imbangela yokulahlekelwa abalandeli.

USihlalo weCosatu KwaZulu-Natal, uSkhumbuzo Mdlalose, uthi uma kungalungiswa umonakalo ngaphakathi leli qembu lizombuleka izinqa kwingqungquthela yokukhetha ubuholi ngo December.

U-Mdlalose uthi ukulahlekelwa womasipala abafana ne -King Cetshwayo, uMhlathuze, uMngeni, iNewcastle kanye noMkhanyakude akuyiso into emele ithathwe kancane.

Uqhuba ngokuthi wonke amalungu, kusukela egatsheni kuya ezingeni lesifundazwe, kumele asebenzisane ngokubambisana uma ezimisele ekuvuseleleni iqembu.