I-DA Ifuna Ikhanda lika-Cele

By: Pamella Majola

I-DA ithi ungqongqoshe wamaphoyisa uBheki Cele kumele engabe kade asula esikhundleni sokuhola umbutho wamaphoyisa kulelizwe.

Lenhlangano ithi akukho okubonakalayo osekwenziwe uCele selokhu athatha amatomu okuhola lomnyango, okunalokho ubugebengu benyuke kunakuqala ezweni.

Ithi izakhamuzi zizizwa zingaphephile neze emiphakathini yazo ngenxa yokungabonakali kwabakwasidlodlo.

Okhulumela lenhlangano uGordon Hill-Lewis uthi nase Cape Town inkinga yamaqembu ezigebengu isalokhu ikhona kanti seyiqala nokubonakala nakwamanye amadolobha kwezinye izifundazwe.

U-Hill-Lewis uthi isitatimende sakamuva sika Cele mayelana nokudunwa kwezimoto siyamangaza.

powered by Advanced iFrame. Get the Pro version on CodeCanyon.