I-DA Ithembisa Ukuhola Ngobuqotho Ku-Mngeni

By: Pamella Majola

I-DA ithi ifuna ukukhombisa izakhamuzi zomasipala UMngeni ukuthi kunjani ukubuswa uhulumeni okwaziyo ukwenza izinto zenzeke futhi obeka phambili izidingo zabantu emphakathini.

Umholi waleliqembu kuzwelonke, uJohn Steenhuisen uthi lomasipala ubuphethwe ngabantu abahlulekile ukwenza umsebenzi, bashiya izinkinga eziningi ezikhombise umphakathi ukuthi uzifunele obunye ubuholi.

Izinombolo eziphume izolo zikuqinisekisile ukuthi Umngeni Municipality, nongaphansi koMgungundlovu uhlwithwe yiDA ezandleni ze ANC, nokuqophe umlando njengoba iDA ingakaze ibe nomkhandlu ewuphethe eKZN.

U-Steenhuisen uthi bazokwenza ezibukwayo belethela lomphakathi intuthuko nenye ingqala sizinda ngendlela efanele engenankohlakalo.

powered by Advanced iFrame. Get the Pro version on CodeCanyon.