I-HRC Ithi Iyifuna La Imiphumela Yophenyo Lwase-Stellenbosch
Written by Mfundo on 2 June, 2022
By: Zilungile Mkhize
IKhomishana Yamalungelo Abantu isinikeze iNyuvesi iStellenbosch usuku lwangolwesihlanu ukuthi ikhiphe imiphumela yayo mayelana nezigameko zokucwasa ngokwebala ezibikwa kulesikhungo.
Ngokusho kukakhomishana we-HRC, u-André Gaum, esinye sezigameko abalindele imiphumela yophenyo lwe Stellenbosch yilolo oluthinta umfundi uTheuns du Toit, owabonakala echamela umbhede nezimpahla zesikole zomfundi omnyama, uBabalo Ndwayana.
Khonamanjalo, isishoshovu sabafundi kule nyuvesi uKwenzokuhle Khumalo, sithi ziningi lezikhalo zabo azikasukunyelwa yize bebelokhu bekhala ngokucwasa ngokwebala kulenyuvesi.
