I-IFP Ifuna Kuphenywe Izinsolo Ezithinta Ubugebengu e-PMB

By: Bongani Gina

I-IFP ithi uhulumeni wakwaZulu-Natal kufanele uzithathele phezulu izinsolo ezivezwe ngungqongqoshe wamaphoyisa uBheki Cele.

U-Cele uveze izinsolo zokuthi kunosopolitiki nosomabhizinisi okuyibo abasebenzisana nezigelekeqe ezibulala abantu eMgungundlovu namaphethelo.

Usotswebhu we-IFP esishaya’mthetho, uBlessed Gwala, uthi ukunyuka kobugebengu ngo 16% kulesifundazwe ikakhulu ubugebengu bokubulalana kwamaqembu ezigelekeqe eMgungundlovu kukhombisa ngokusobala ukuthi lesifundazwe sesibuswa yizintswelaboya.

uGwala uthi kufanele badalulwe osopolitiki nosomabhizinisi ababandakanyeka kulobu bugebengu ukuze bezokhishwa ezikhundleni abakuzona.