I-IFP Iklomelise Umfundi Ngo R20k

By: Zilungile Mkhize

Umholi we IFP uVelenkosini Hlabisi usenikele ngomklomelo ka R20 000 kumfundi obaqwaqwade bonke emakhanda eMtapo High School, eLindelani enyakatho yeTheku.

NgoJanuary wangonyaka odlule, lomholi wahambela lesikole esiselokishini elintula kakhulu nekuhlezi kubikwa izigameko zobugebengu ukuyokhuthaza abafundi ukuba bazimisele khona bezozakhela amathuba angcono ngemfundo yabo.

Wabe esethembisa umklomelo kulabo abazophuma phambili.

uHlabisa uthi ngesinye isikhathi kubalulekile ukuthi njengabaholi kwezombusazwe, isemphakathini ngisho nosomabhizinisi  ukuthi kukhuthazwa abafundi ngezinto ezingabasiza empilweni kanjalo nasekoleni.

Uthi ngalendlela inqwaba yabafundi kulesikole iphase ngamalengiso.

powered by Advanced iFrame. Get the Pro version on CodeCanyon.

Umfundi, uNaye Mkhize, uthi ukuzikhandla nokugqugquzelwa ngothisha esikoleni iMtapo, yikho okumenze wangaliphonsa ithawula sekunzima phakathi nonyaka.

powered by Advanced iFrame. Get the Pro version on CodeCanyon.