I-IFP Ithi Ikhathazekile Ngokubulawa Kwabantu ePmb

By: Bongani Gina

I-IFP kulesfundazwe ithi ifuna ungqongqoshe wezokuphepha uPeggy Nkonyeni kanye nowamaphoyisa uBheki Cele bangenelele ngokushesha ezigamekweni zokudutshulwa kubulawe abantu ePietermaritzburg.

Leliqembu lithi lezigameko zibhoke kakhulu elokishini iMbali, maphakathi nesifundazwe.

UBlessed Gwala oyilungu le-IFP esishayamthetho, uthi ngokuthola kwabo lokhu kudubulana osekwenzeka cishe nsuku zonke ngisho emini kabha imbala, kusolwa ukuthi kuhlobene nezimpi zalabo abadayisa izidakamizwa kanye namathenda.

UGwala uthi balinganiselwa ku 13 abantu asebedutshulwe babulawa kanti lokhu kwenza nomphakathi owakhele iMbali uphile nokusaba njengoba ususaba ngisho nokuphuma ezindlini.