I-lifeline ithi abazali abaqaphele izimpawu zokuhlukumezek ebantwaneni.

By: Nompendulo Ngubane 

Inhlangano engenzi nzuzo ebhekela abesifazane nezingane ezihlukumezekile iLifeline ithi kubalulekile ukuthi abazali baqaphele izimpawu ezithile kubantwana babo ezingaba yizinkomba yokuthi bayahlukumezeka. 

 Lenhlangano ezinze ePietermaritzburg iphawule kanjena njengoba imibiko iveza ukuthi siyanda isibalo sezingane ezidlwengulwa ngabantu abasemindenini yazo. 

Ongumqondisi we Lifeline uSinikiwe Biyela useveze ukuthi iKZN ingesinye sezifundazwe lapho izigameko zokudlwengula phakathi emindenini zanda kanti futhi lezi zenzo zenziwa ngisho nabangabazali bezingane uqobo. 

Ekhuluma ngokukhethekile nezindaba ze Gagasi FM uBiyela uthi ezinye zezimpawu eziveza ukuthi umntwana uyahlukunyezwa ukwethuka kwakhe njalo uma ezwa igama lomuntu omhlukumezayo.