I-Meya Yase-Zululand Ibhekene Necala Kulandela i-Breakfast ka-R5 million

By: Sthulile Mdletshe

I-ANC isivulele imeya yoMkhandlu waseZululand u-Thulasizwe Buthelezi icala lokukhwabanisa kanye nokusebenzisa imali ngendlela engafanele.

Kusolwa ukuthi umasipala oholwa yi-IFP usebenzise imali engango-R5-million ngesidlo sasekuseni kwelinye lamahotela aseThekwini, ngaphandle kwemvume evela emkhandlwini.

Umnyango wezokubusa Ngokubambisana Nezindaba Zomdabu ubusuveze ukuthi uzolifakela izibuko lolu daba ululandelele.

Imeya u-Thulasizwe Buthelezi, usolwa ngokutetemukisa amalunga e-IFP ngemali yabakhokhi bentela kuleli hotela.

Kanti eziphendulela phambilini uthi lokhu akusilo iqiniso kodwa lomcimbi bekuhloswe ngawo ukunxenxa abatshali zimali ukuthi bazotshala imali esifundeni sase-Zululand.

Okhulumela iANC kulesifundazwe u-Nhlakanipho Ntombela uthi makunjalo loumcimbi bekufanele ubanjelwe ukuhlomulisa osomabhizinisi bendawo ekhaya, hhayi eThekwini.

powered by Advanced iFrame. Get the Pro version on CodeCanyon.