i-MKMVA Ihlela Ukuyophuza Itiye noZuma
Written by Mfundo on 8 February, 2021
By: Lindelani Mbatha
Omakademona bomkhonto weSizwe, iMKMVA, bathi lowo owayengumengameli wezwe uJacob Zuma uyadinga ukwesekwa.
Lenhlangano ikhuluma kanjena njengoba nayo ihlela ukuyoba nomhlangano noZuma eNkandla, enyakatho yesifundazwe iKwaZulu-Natal.
Ngesonto eledlule uNxamalala uvakashelwe ngumholi weEFF uJulius Malema, namanje okungakaveli ukuthi inqikithi yomhlangano wabo weTiye ibikuphi.
iMKMVA kulonyaka ihlanganisa iminyaka engu-60 yabunjwa.
Oyisikhulumi seMKMVA uCarl Niehaus uthi uZuma bazomeseka njalo ngoba wayengumkhuzi wabo.
powered by Advanced iFrame. Get the Pro version on CodeCanyon.
