I-NFP isola iANC ngokuhudula izinyawo ekubekeni umeya omusha oPongolo
Written by Lethiwe Mdluli on 11 September, 2020
I-National Freedom Party ithi izohlela imibhikisho uma i-ANC ingamqoki ngokushesha umeya omusha kumasipala wasoPongolo enyakatho yesfundazwe.
Leliqembu lisola inhlangano ebusayo ngokuhudula izinyawo ekubekeni umeya omusha nethi ukungabibikho kwakhe kuphazamisa ukulethwa kwezidingo kubantu.
Ngenyanga eyedlule iANC ixoshe obeyimeya yalomasipala, uWinnie Nhlabathi, emva kokuba evulelwe icala lokushaya owesilisa owangena endlini yakhe ngoFebuary walonyaka.
Unobhala weNFP, uCannan Mdletshe, uthi bazohlangana namalunga omphakathi ukuphoqa ukuba imeya ibekwe ngokushesha.
Listen here:
Podcast stream by Fabrik.fm
Khonamanjalo oyisikhulumi seANC kulesfundazwe, uNhlakanipho Ntombela, uthi umasipala yiwo okumele ubeke usuku lokubeka umeya omusha.
Listen here:
Podcast stream by Fabrik.fm
By: Lindelani Mbatha
