I-SALGA ikhala ngenqwaba yamakhansela angenawo umatikuletsheni.

By: Zilungile Mkhize

Umkhandlu obhekelele ukusebenza komasipala iSA Local Government Association (SALGA), usukuqinisekisile ukuthi ingxenye enkulu yamakhansela omasipala alapha eNingizimu Afrika awanawo u-Matric.

Ngokusho kwelungu le SALGA uLance Joel, ingxenye ka 27% wamakhansela awuzange uwuphase u-Grade 12.

U Joel uthi kumakhansela angu 3800, angu 1368 kuphela aneziqu zikamatikuletsheni.

Uselandise iPhalamende, ngezingqinamba ezibhekene nomasipala, ezinye zazo ezithinta ubuholi, negebe elikhulukazi elidalwa ukungafundi kwamanye amakhansela nokunye okuningi.

U Joel uthi ukhetho lwasekhaya lwango-2021 lweza namakhansela amaningi amasha, kwalahleka isipiliyoni, nathi kungalunga uma kuqiniswa izinhlelo zokufundiswa kwawo ngomsebenzi eziwenzayo.