I-SANTACO Iphefumula Ngokunyuka Kuka-Petrol

By: Sthilile Mdletshe

Inhlangano yosomatekisi i-South African National Taxi Council (SANTACO) ithi ukumenyezelwa kokunyuka kuka-petrol kanye nodizili kuyizindaba ezimuncu kakhulu.

Lokhu kulandela isimemezelo somnyango wezokumbiwa phansi namandla sokuthi intengo ka-petrol izonyuka ngo-53-cents ilitha kusukela ngolwesithathu.

Intengo kadizili izokwenyuka phakathi kuka-79- no-80-cents ilitha.

Okhulumela iSANTACO KwaZulu-Natal, uMduduzi Makhunga. uthi ukukhuphuka kuka-petrol kuza nokunyuka kwemikhiqizo eminingi kanjalo nezinto ezithinta izimoto ziyanyuswa ezitolo.

U-Makhunga uthi nokho kunjalo, imali yokugibela amatekisi ayizokunyuswa okwamanje kodwa abanikazi bezimoto bazoshayeka kakhulu ephaketheni.

powered by Advanced iFrame. Get the Pro version on CodeCanyon.