I-UNISA Inxenxa Abafundi Ukuba Bagome

By: Zilungile Mkhize

Isikhungo semfundo ephakeme iUNISA sesiphonse inselelo kubo bonke abasebenzi baso nabafundi kuzwelonke ukuthi bayogomela iCOVID-19 ngaphambi kokuba kuqale unyaka wokufunda omusha ka-2022.

I-UNISA isho kanjena nje, isisondeze ngaphakathi emagcekeni ayo omahamba nendlwana bokuhlolela leligciwane kanjalo nabokugoma.

Oyisikhulu esiphezulu kulesikhungo uPuleng Lenkabula, uthi njengoba belindele izinkumbi zabafundi ezibuyela esikoleni nalezo ezizobhalisa, bafuna ukuqinisekisa ukuthi wonke umuntu uphephile.

Uthi abantu mabangazitheli ngabandayo izinsiza zokulwisana neCoronavirus sezisondezwe eduzane nabo.