iCovid-19 isigqamise ukungalingani kwabaphila nokukhubazeka

Inhlangano yezizwe i-UN ithi ubhubhane icoronavirus, selwenze kwagqama ukungalingani okubhekene nabantu abaphila nokukhubazeka.

I-UN isho kanjena kulandela ukwethula umbiko oneziphakamiso zokulekelela wonke umuntu, ngaleskhathi sokulwa naleligciwane.

Unobhala jikelele we United Nations, uAntonio Guterres, uthi isbalo sabantu ababulawa yi-covid-19, ezikhungweni ezibhekele abantu abadla nabaphila nokukhubazeka ziyashaqisa.

Uqhuba ngokuthi lezibalo zisuka ku 19% ziye ziyofinyelela ku 72% kwamanye amazwe.

Listen here:
Podcast stream by Fabrik.fm

Khonamanjalo ungqongqoshe wezempilo, uZweli Mkhize, usebonge izinkampani ezizimele eziqhubekayo nokulekelela uhulumeni ngezinsiza zokulwa neCovid-19.

UMkhize usebonge inkampani yezimayini iSibanye Stillwater, ngokunikela ngamaphasela okudla emphakathini waseNorth West kanti uthi sebethole nabanye osomabhzinisi abafuna ukulekelela ekwakhiweni kwezindawo zokuhlala iziguli zeCovid-19.

UMkhize uthi uhulumeni uzodinga lonke usizo ongaluthola ukulwa nalesisihlava.

Listen here:
Podcast stream by Fabrik.fm

By: Bright Ntuli & Sanelisiwe Dlangamandla