Ikhomishana Ephenya Ngesibhicingo sase-Phoenix Iyaqhubeka

By: Sthulile Mdletshe

Umholi wenhlangano Abahlali baseMjondolo u-Sbu Zikode uthi izibhelu zasePhoenix zafika ngesikhathi vele kunoqhekeko emphakathini ngenxa yokungalingani kwabantu bakuleli ngokwezinga lempilo.

Lezi zigameko zenzeka emva kokuthi kuboshwe loyo owayenguMengameli wezwe uJacob Zuma.

Zadlula nemiphefumulo yabantu abangu-36 ePhoenix, nokusolakala ukuthi bahlaselwa baditshulwa ngabomdabu waseNdiya.

U-Zikode usetshele ikhomishana ebhekelele amalungelo abantu ukuthi yize lezi zinxushunxushu zazihlelwe ezingeni eliphezulu lezepolitiki, kodwa zaba nomthelela omubi emphakathini.