Imeya yamasipala waseMadlangeni ithi basebenzisana nomphakathi ukulwa nama Construction Mafia.

By: Sthulile Mdletshe

I-Meya kuMasipala eMadlangeni enyakatho ne-KZN uMzwakhe Buthelezi, ithi basebenzisana ngokubambisana nosombhazinisi bendawo kanye nomphakathi uma kuzothulwa izinkotileka zemisebenzi ukugwema izinhlangano ezibizwa ngama -construction mafia ezifuna umsebenzi wokwakha ngodli.

U Buthelezi ukhulume nezindaba zeGagasi FM ethula izinhlelo ezahlukene ekusetshezwa phezu kwazo kuleyandawo, nekubhekwe ukuthi ziphothulwe maduze.

Ngalezinhlelo kuhloswe ukuthuthukisa lomaspala nomphakathi wonkana.

Kulezinhlelo kubalwa ukukwakhiwa kwemigwaqo exhumanisa amawadi ahlukene kanye nesikhungo esibhekelele izinhlekelele, nokubhekwe ukuthi sivulwe ngokuphelele.

U Buthelezi uthi banohlelo lwentuthuko endaweni, lokuthi izinkampani ezithola umsebenzi kumele ziqale ngokuqasha abantu bendawo.

Uthi nakuba kunjalo kuyaye kube khona idlanzana elifuna kulokhe kuqashwe abantu babo noma izinkampani zabo.

“Ngokusebenzisana nezinduna namakhosi kanye nezinhlaka zosomabhizinisi ezahlukene zendawo, sinazo izixazululo zokuthi kuqhubeke imsebenzi ngaphandle kwezihibe.”