Imisebenzi KaKhongolose Iyazibonakalela – Ramaphosa

By: Pamella Majola

U-Mengameli we-ANC uCyril Ramaphosa usenxuse abantu ukuthi bavotele ushintso okhethweni lohulumeni basekhaya.

U-Ramaphosa ubeseMlazi, eningizimu yeTheku kulempelasonto, eqhuba umkhankaso wenhlangano yakhe njengoba umjaho obheke kumhlaka 1 November usuqala ukushuba.

Uthi abantu kumele baqale bazifundise ngezepolitiki nangemisebenzi yamaqembu ahlukene ezweni besabancane, khona kuyothi mhla kufika isikhathi sokuvota umuntu azi ukuthi ubheka ngakephi.

U-Ramaphosa uthi imisebenzi kaKhongolose iyazibonakalela emiphakathini, njengoba beqhubeka nokuletha izidingo kancane kancane.

Uthi ukuletha ushintsho empilweni yomuntu yinto abayikhathalele kakhulu njengenhlangano ebusayo.

powered by Advanced iFrame. Get the Pro version on CodeCanyon.