Imitapo Yolwazi Nezinye Izikhungo Sekuvuliwe EThekwini

By: Zilungile Mkhize

UMasipala weTheku usuqalile ukuvula iminyango yezinye zezindawo zawo ezisetshenziswa umphakathi kulandela isimemezelo sikaMengameli wezwe sokuthi izwe selehlele ku-Level 3 ka thaqa.

ITheku laphoqeleka ukuba livale ezinye zezindawo ngokulandela imigomo yeCOVID-19. Iminyango esiqalile ukuvulelwa umphakathi, kubalwa imitapo yolwazi phecelezi ama library, izindawo zokugcina amagugu nezinye.

Okhulumela umasipala, uMsawakhe Mayisela, uthi izakhamizi sezingaqala zibuyisele izincwadi ezagcina ziziboleke emitapweni yolwazi eseduzane nazo uma isivuliwe.

Uthi lokhu kusho ukuthi nabafundi bezikole sebezokwazi ukuzothola usizo ngomsebenzi wesikole kulezindawo njengoba bekwenzeka phambilini.

U-Mayisela uyenaba nangezindawo ezisaqhubeka nokuvalwa.