Ingalo Yomthetho Mayisebenze Ngokungachemi Kwelase Phoenix – ISilo

By; Zilungile Mkhize

ISilo samabandla uMisuZulu KaZwelithini, sesigxeke izigameko zokucwasa nokubulala, ezibonakale endaweni yasePhoenix eNyakatho yeTheku ngezikhathi kunezibhelu esifundazweni kulamaviki edlule.

UNgangezwe lakhe uthi lesi sekuyisikhathi sokuthi abantu bazozonke izinhlanga baphilisane ngokuthula manje, ngaphandle kokucwasana.

Usho kanjena ekhuluma namalungu omphakathi KwaNongoma enyakatho yesifundazwe, ngenkathi yena nomkakhe uNdlunkulu uNtokozo Mayisela beyonikela ngezijumbana zokudla emiphakathi eswele, kulandela ukutatshwa nokucekelwa phansi kwempahla ezitolo zendawo.

ISilo sithi okwehlakale ePhoenix akwamukeleki neze, enxusa abomthetho ukuthi baqhubeke nokuphenya, babophe nabanye abathinteka kulobugebengu.

powered by Advanced iFrame. Get the Pro version on CodeCanyon.