Inhlangano Yabalimi Ifuna Kuliwe Nobugebengu Ezindaweni Zasemakhaya

By: Zilungile Mkhize

Inhlangano ebhekelele abalimi iAgri-SA ithi imiphakathi eyakhele izindawo zasemakhaya kulolonke leli ayizidingi izinhlelo ezintsha zokulwa kunqandwe ubugebengu, kodwa ekufuna ukubona kwenzeka ukusebenza kohlelo i-Qhinga Lokuphepha ezindaweni ezisemakhaya nolwamenyezelwa 2019.

i-Agri SA seyithumele lomyalezo nasekomidini loNgqongqoshe ababhekelele ezokuphepha ezindaweni zasemakhaya nezasemadolobheni.

Usihlalo weSikhungo Sokuphepha Emakhaya nokuyinhlangano engaphansi kwe-Agri-SA, u-Ian van der Westhuizen, uthi kubukeka sengathi loluhlelo luzobe lungakaqali ukusebenza ekupheleni kwenyanga ezayo njengoba kwakuthenjisiwe.

Unxusa amaphoyisa ukuthi kube yiwo abhekelele ukuphepha kulezindawo.